दीपिका र रणवीरको विवाह नोभेम्बर १४ मा, रणविरले किने २० लाखको मंलसुत्र

Sambhabi जीवनशैली , प्रमुख समाचार , मनोरञ्जन , November 5th, 2018

काठमाण्डौं, १९ कात्तिक । अभिनेत्री दीपिका पादुकोण र रणवीर सिंहको विवाहको मिति तय भएको छ । उनीहरुले यही नोभेम्बर १४ र १५ तारिखमा विवाह गर्ने भएका छन् । विवाहको मिति नजिकिँदै गएपछि उनीहरुको घरमा पनि विवाहको कार्यक्रम सुरु भैसकेको छ ।

विवाहको पहिलो कार्यक्रम अनुसार ४ नोभेम्बर अर्थात आइतबार रणवीरको घरमा हल्दी सेरेमनी आयोजना गरिएको थियो सामाजिक सञ्जाल मार्फत सो कुराको सार्वजनिक भएको हो । रणवीरले हल्दी सेरेमनीको तस्बिरहरु सामाजिक सञ्जालमा राखेका छन् । जुन तस्बिर भाइरल भएका छन् । हल्दी लगाईसकेका रणवीरले खुशी मुद्रामा सेल्फी लिएका केही तस्बिर सार्वजनिक भएका छन् ।

५ वर्षसम्म सम्बन्धमा रहेका यो जोडीले इटालीको लेक कोमोमा १४ र १५ डिसेम्बरमा विवाह गर्ने बताएका छन् । विवाहको लागि रणवीर र दीपिकाले मिलेर गहना पनि किनिसकेका छन् । रणवीरले दीपिकाको लागि २० लाख भारतीय रुपैयाँको मंगलसुत्र किनिदिएका छन् ।

दीपिकाले पनि रणवीर अर्थात हुनेवाला श्रीमानको लागि सुनको सिक्री किनिदिएकी छिन् । यसको मूल्य भने सार्वजनिक भएको छैन । दीपिकाले आफ्नो लागि दुईवटा हार पनि किनेकी छिन् । त्यस्तै अन्य केही गहना गरेर उनीहरुले एक करोडको गहना किनेको भारतीय मिडियाहरुले जनाएका छन् ।

चाखलाग्दो कुरा के भने रणवीर र दीपिकाले जहाँ सपिङ गरेका थिए त्यो पसलको शटर उनीहरु पुग्नुभन्दा एक घण्टा अगाडि नै बन्द गरिएको थियो । बन्द सटरमा मजाले रोजी रोजी दीपिका र रणवीरले गहना किनेका हुन् ।

दीपिका र रणवीरको विवाह कलर कार्डिनेटेड हुनेछ । यसमा परिवारका सदस्यसँगै वेटर्सले समेत ड्रेस कोड फलो
गर्नेछन् ।

8Shares